شوفوا يا رجاله .. عايز اتكلم معاكوا عن
(( الحلفان بالطلاق ))
اكيد الحلفان بالطلاق ده مشكله كبيرة وكلنا واخدين بالنا منها
وفيه ناس كتير وللأسف موضوع الحلفان بالطلاق ده
.. لبانه فى بؤها
- عليا الطلاق بالتلاته ما انتى خارجه من باب الشقه
- عليا الطلاق ما هتشوفى اختك دى تانى
- عليا الطلاق لتعملى باميه انهارده
ده الحوار ده لو كان بيكلم مراته
بس فيه مشكله تانيه كمان ..
اننا بحلف بالطلاق واحنا بنكلم حد تانى غير مراتاتنا
(حلوة مراتاتنا دى )
ههههههههههههههههههههههههههه
يعنى مثلا تلاقى الراجل بيكلم ابنه ويقوله
- عليا الطلاق من امك لتعد تكتب الواجب دلوقتى
- عليا الطلاق من امك لتدخل تستحمى دلوقتى يا معفن يا منتن
هو معفن هى مالها
ههههه
طب انت دلوقتى بتكلم ابنك .. امه مالها بقا .. تطلق ليه يعنى
وفيه حاجه تالته اخطر من اللى فاته
انك تبقى بتكلم حد مالوش علاقه خالص بالحجه الغلبانه يا عينى اللى فى البيت
زى لو بتكلم واحد صاحبك وتقوله
- عليا الطلاق لتيجى تتغدى معايا النهارده
- طب عليا الطلاق انا اللى هدفع الحساب
- ( وهما اساسا 2 جنيه حق الشاى وربع جنيه بقشيش )
- يعنى مش محتاجين حلفان
المهم بقا عشان مارغيش كتير ان موضوع الحلفان بالطلاق
ده بقا
مصيبه فى المجتمع المصرى والناس كلها بقت عماله تحلف بالطلاق وفى كل حته
فى البيت تلاقى ابوك بيخلف بالطلاق
تنزل الشارع تلاقى الناس عمالين يحلفوا بالطلاق
تنزل عالقهوة .. تلاقى نفس الكلام
تروح الجامعه .. تلاقى صاحبك اللى اساسا مش عارف يمشى مع واحده
( مش هقولك لسه ماتجوزش )
برده هتلاقيه بيحلف بالطلاق
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 1102x874 الابعاد 615KB. |
فالموضوع كبير كبير كبير يا جدعان
وعايزين نشوفله حل
لدرجه انه وصل للمرحله دى
وعايزين الشباب يقولولنا ايه اللى بيخليك تحلف بالطلاق
أو
ايه اللى بيخلى اى حد يحلف بالطلاق
يا ترى علشان كده
و لا علشان كده
و لا علشان ايه ؟؟؟؟؟؟؟
وبرده البنات ..
لو ربنا رزقك بواحد عنده المشكله دى وليل نهار شغال حلفان كده عليكى
هتعملى ايه فيه الراجل ده
وخصوصاً اننا عارفين طبعا ً عواقب الموضوع ده .. لأنه مش هزار
ده كله كوم و كوم الاطفال و نتيجة الطلاق علشان الحاجات الهيفة ده
الموضوع كبير
بصوا بقا انا تعبت
يلا المناقشة